MAIN HAR EK PAL KA SHAAYAR HOON...

Film : Kabhie Kabhie (1970)

Lyrics : Sahir Ludhyanavi        Music : Khaiyaam

Singer : Mukesh

Main har ek pal ka shaayar hoon,

Har ek pal meri kahaani hai,

Har ek pal meri hasti hai
Har ek pal meri jawaani hai.

Rishton ka roop badalta hai, buniyaaden khatm nahin hoti
Khwabon ki aur umango ki miyaaden khatm nahin hoti
Ek phool mein tera roop basaa, ek phool mein meri jawaani hai
Ek chehra teri nishaani hai, ek chehra meri nishaani hai
Main har ek pal ka shaayar hoon, har ek pal meri kahaani hai.

Tujhko mujhko jeevan amrit ab in haathon se peena hai
Inki dhadkan mein basnaa hai, inki saanson mein jeena hai
Too apni adaayen bakhsh inhen main apni wafaayen deta hoon
Jo apne liye sochi thi kabhi, wo saari duaaen deta hoon

Main har ek pal ka shaayar hoon,

Har ek pal meri kahaani hai,
Har ek pal meri hasti hai
Har ek pal meri jawaani hai.